Irakasleak

Zein material erabili ditzaket nire irakasgaietan?

Erantzukizun handia da, irakasle izanik, ikasleekin zein material partekatu dezakezun legearen arabera eta zein ez jakitea. Atal honetan, jakingarri batzuk dituzu beste autore batzuen lanak zelan erabili jakiteko, egungo legeriaren arabera eta unibertsitateak autore eskubideen kudeaketa egiten duten erakundeekin sinatu dituen akordioen arabera.

Gehiago jakin nahi duzu?


Gai hori hobeto ezagutzeko, unibertsitateko irakasle-ikertzaileei zuzendutako 2 orduko lineako ikastaro batean eman dezakezu izena.

"Beste batzuek sortutako zein material erabili dezaket nire irakasgaietan?"

Informatu zaitez intraneten ikastaro horren edizioen inguruan edo galdetu ecampus@deusto.es helbidean autoikaskuntza modalitateen inguruan.

Klaseetan materialen bat legearen arabera erabiltzearen inguruko zalantzak dituzu?

Liburutegiak emango dizu laguntza

Eskura jartzen dizun esteka honetan lagunduko dizu zalantzak argitzen.

Dokumentazio osagarria duzu kontsultatzeko Liburutegiko web orrian.

  • Irakasle-ikertzaileak: esteka

  • Open Access (OA) edo zabalkunde irekiko baliabide akademikoak: enlace

Ondoren ageri diren libgidetarako estekak interesgarriak izan daitezke ikasleekin partekatzeko:

    • Jabetza intelektuala : esteka

    • Plagioa eta zintzotasun akademikoa: esteka

    • Aipuak eta bibliografiak zelan egin: esteka

    • Zelan egin gradu amaierako lan bat: esteka

Zelan berrikusi ikasleen dokumentuak?

Deustuko Unibertsitateak plagioa antzemateko software bat du, Turnitin izenekoa. Plagioaren kontrako programa bat da, plagioa erraz antzemateko eta prebentziorako balio duena. Horretarako, dokumentu bat hainbat datu baserekin erkatzen du (Internet, erakundeko bertako datu basea, beste erakunde batzuetako datu baseak, etab.) eta aztertzen du dokumentua besteren batekin bat datorren. Txosten bat sortzen du antzekotasunen ehunekoarekin, eta erraz identifikatzen du plagioaren iturria.

Ez ahaztu softwarearen helburua zein den: ikasleak iturrien erabilera ona eta egokia egiten ikastea. Hortaz, ez da gomendagarria bereizketarik egin gabe erabiltzea. Laguntzeko tresna bat da eta ez dugu nahi ohiko bihurtzea. Ez dugu ikasleen artean mesfidantza giroa sortzerik nahi; lagundu egin nahi diegu aipuak eta erreferentziak egoki egiten. Honen inguruan gehiago jakiteko, kontsultatu ondorengo informazioa.

Ikasleen lanak Turnitin-en bidez aztertzeko, bi bide dituzu. Lehenengoa ALUD plataformaren bidez egiten da; eta, bigarrena, Turnitin-en webetik bertatik (bi aukeretatik zein erabili argi ez baduzu, egin klik esteka honetan). Hemen dituzu bi kasuetarako gehien erabiltzen diren eskuliburuak (orri honetan aurkituko dituzue tresnarekin lotutako beste eskuliburu batzuk):


Laguntza teknikoa behar duzu?

Jarri harremanetan aula.tic@deusto.es